اليومين دول بيعقد حزب الكدابين واللصوص الكبار مؤتمره السنوي ، وأي مواطن مصري عادي لازم يتحلى بأعلى درجات ضبط النفس ،لو استجاب لوسوسة الشيطان وقرر يتابع جلسات المؤتمر ، لا يمكن يتخيل حد في الدنيا مدى ما وصل إليه الجماعة دول من البجاحة التي تصل إلى حد الوقاحة والصفاقة ، واحد قصير قزعة وشكله والعياذ بالله شبه اللي طالعين من تحت الأرض وقاعد يشب ويلب ويقولك المعارضة المصرية غيرانه مننا والفزع قطع قلوبهم من نجاحنا المتواصل ،نجاحكو في إيه يا محتكر ياحقير إنت، نجاحكوا في قتل المصريين بعد تجويعهم ،قالك نجاحنا في تنفيذ برنامج السيد الرئيس ربنا يخدوا ويريحنا منه هو ومراته ووأولاده اللي رجعوا مصر لعصور ما قبل التاريخ ،بقى يا كداب يا ابن الكدابين مصر اللي الناس فيها بتشرب مية الصرف الصحي اللي شعبها بقى شكله عبرة لمن يعتبر من كتر ما أكل أكل مسرطن ،اللي الناس فيها بتموت كل يوم بالمجان من قلة الرعاية الصحية ،مصر دي اللي انتوا بتتكلموا عنها وبتقولو انكوا عملتوا علشانها كذا وكيت ،يا راجل يا كداب يا بتاع حزب الأغلبية اللي بينجح بالتزوير بتتكلم في إيه ، حزب رجال الأعمال اللي خلا البلد خرابة ،حزب الحكومة اللي خلت عيشة الناس أسود من قرن الخروب ،يخرب بيت البجاحة والله ما في حد فيكم عنده دم ولا إحساس ، الناس دي مش عارف بيحطوا راسهم على المخدة ويناموا إزاي ،أكيد ضمايرهم ماتت من زمان ، طيب بلاش موضوع الضمير بيبص لنفسه في المراية علشان يسرح شعره إزاي وهو ما بيشوفش غير واحد كداب وحرامي ، ومن أسفل ما خلق ربنا ،والله حرام علينا إننا نسكت على أولاد الكلب دول ده حقنا نعدمهم رميا بالجزم القديمة ،وبعدين نكتب اعتذار في الجرايد للجزم ،يا عالم الحزب الكداب اللص اللي أعضاءه فضايحهم ملأت الدنيا بيديعي الفضيلة وعايز يحقق العدالة الاجتماعية ،عدالة يا تجار الموت يا بتوع اللبن اللي مصنوع من بودرة السيراميك ، والله أنا تابعت على خفيف وكنت هأتشل ، ربنا يكون في عون الناس اللي شغلتها تتابع الوساخة دي ،والله الواحد ما عاد عارف يقول إيه ، استغفر الله العظيم  يا رب ،واحد صاحبي جاله حالة يأس شديدة وقاللي حسني مبارك مش هيموت لأن ربنا أنظره إلى يوم يبعثون زي إبليس يعني ،قلت له استغفر ربنا ،قاللي على إيه قلت له على الكلام اللي انت قولته ،قاللي ما تخدش في بالك ، وانا مش هاخد في بالي ،بس يا ترى هأعرف ؟