.
.
الجمعة, 07 نوفمبر, 2008
كل الشكر والتقدير للجارة العزيزة أماني الوحيدة اللي اتجرئت وعلقت على الموضوع اللي فات بتاع مؤتمر حزب اللصوص والحقيقة يا جماعة الخير أنا زي ما قلت في العنوان أنا مش مصدوم فيكو ، لأني عارف طبيعة الكتابة الجيرانية خفيفة قوي لايت يعني قطران أقل نيكوتين أقل من عينة خواطر شاعر بمغص شديد على حدود الحمام والعاشق ذو الأنف الحساس الكتابات اللي بتاخد 100 تعليق علشان هايفة جدا أو صاحبتها حاطه صورة بنت حلوة مش صورتها طبعا ،لكن لما قفشتك يتكلم بجد الناس تخاف تعلق علشان هو ما بيتكلمش في الموضوعات الهامة زي قلوب لاتشييخ والحب في زمن الطبيخ، والحقيقة إن الموضوعات الحيوية دي أعلى من قدراتي بكتير أنا كمان عايز أقول حاجة بس ماحدش يزعل المدونين الجادين بدؤوا يهجروا جيران ويروحوا البلوج سبوت ومكتوب زي جو غانم وبوب وغيرهم وأنا كمان بأكتب هناك مقالات بالفصحى ، أكيد لو فكرت أنشرها هنا محدش هيقولي سلامو عليكو ، جيراني الأعزاء في شتى ربوع الوطن العربي الحزين ..........صباحكو فل بالصلاة على حضرة الحبيب النبي .
اللي خايف يروح
(2) تعليقات
أضف تعليقا
اضيف في 07 نوفمبر, 2008 04:20 م , من قبل kafshtcmentany
من مصر
من مصر
العزيزة أماني .....
خالص تقديري واحترامي ،شوفي يا أختي أنا في حقيقية الأمر ،غير مصدوم في الجيرانيين فهم معهم كل الحق في مقاطعة المدونات اللي بتتكلم في الحاجات الجادة أو حتى بتشتم وخلاص زي قفشتك ،أولا كل واحد حر يعلق في الحته اللي تريحه ، ثانيا تعليقات الناس بتوع
لواعج الشوق صابتي ورب العرش نجاني مش هتزودنا إيد ولا رجل ، وبعدين يا ستي ما هو علشان أنا أكيد في مصر ماعنتش بأتصدم في حد .... تحياتي مجددا.
أضف تعليقا
<<الصفحة الرئيسية
.
.
من مصر
الجار العزيز
أختلف معك و بشدة ، دا أنا و أنت ،و عماد و ناس تانيه كتير لازم ننصدم ، لأنه ده معناه أن ناس كتير بتتعاطى حبوب منع التفكير ، ده فيه مدونة عن الثراث الثقافى و الحضاري لليمن لا يعلق عليها أحد رغم كثرة الموضوعات القيمة التى تقدمها .. بس على فكرة ليست كل المدونات الخفيفة سطحية ، علشان أكون عادلة..
لا تستسلم بسهولة ..بس لازم تشعر بالصدمة ..أيه دا هو أنت مش أكيد في مصر